धुनीबेसी नगरपालिकाको मेयरमा एकीकृत समाजवादीका बालकृष्ण आचार्य, उपमेयरमा कांग्रेसका सुरज उप्रेती विजयी

धादिङ ०३ जेष्ठ
धादिङको धुनीबेसी नगरपालिकाको मेयरमा गठबन्धनका साझा उम्मेदवार एकीकृत समाजवादीका बालकृष्ण आचार्य विजयी हुनुभएको छ । आचार्यले ८ हजार ७ सय ६ मत ल्याई विजयी हुँदा उनको निकटतम प्रतिद्वन्दी नेकपा एकालेका रामराजा पाण्डेले ६ हजार ५ सय ९२ मत ल्याएका छन् ।

यस्तै उपमेयरमा गठबन्धन कै साझा उम्मेदवार नेपाली कांग्रेसका सुरज उप्रेती विजयी हुनुभएको छ । उप्रेतीले ८ हजार ३ सय ८७ मत ल्याई विजयी हुँदा उनको निकटतम प्रतिद्वन्दी एमालेकी मन्दिरा श्रेष्ठले ६ हजार ४ सय ७० मत ल्याएकी थिईन् ।