धादिङको गजुरीको सत्ता गठबन्धन विजयी, एमालेले जोगाउन सकेन आफ्नो साख

धादिङ ०३ जेष्ठ
धादिङको गजुरी गाउँपालिकाको अध्यक्षमा गठबन्धनको तर्फबाट माओवादी केन्द्रका गणेशलाल श्रेष्ठ निर्वाचित भएका छन् । श्रेष्ठ ५ हजार ४ सय ६३ मत सहित निर्वाचित भएका हुन् । यस्तै उनका निकटतम प्रतिद्धन्द्धी नेकपा एमालेका राजेन्द्र विक्रम वस्नेतले ३ हजार ६ सय ५५ मत ल्याएका छन् ।

यस्तै नेपाली काँग्रेसका सर्मिला विसुरालले ४ हजार ९ सय ५३ मत ल्याएर उपाध्यक्षमा निर्वाचित भएकी छिन् । उनको निकटतम प्रतिद्धन्द्धी एमालेकी भगवती खतिवडाले ३ हजार २ सय ५८ मत ल्याएकी छिन् ।

यस पालिकाको वडाहरुमा भने वडा नम्बर १ मा तारानाथ भण्डारी, ५ मा गोविन्द लामिछाने, ६ मा भक्तबहादुर तामाङ, ७ मा बद्री प्रसाद जम्कटेल र ८ मा देवराज ओझा सहित माओवादी केन्द्रले ५ वडा जितेको छ भने वडा नं. २ मा द्रोण कँडेल, ३ मा ऋिषिलाल श्रेष्ठ, ४ मा सुरेन्द्र प्रजा सहित नेपाली कांग्रेसले ३ वडा जिेतको छ । अघिल्लो स्थानीय तह निर्वाचनमा नेकपा एमाल अध्यक्ष उपाध्यक्ष सहित ४ वडामा विजयी भएको थियो ।