धादिङको खनियाबासको अध्यक्षमा रण बहादुर र उपाध्यक्षमा सेक्केमान विजयी

धादिङ ०३ जेष्ठ
धादिङको खनियाबास गाउँपालिकामा सत्ता गठबन्धनका उम्मेद्वार विजयी भएका छन् । अध्यक्षमा गठबन्धनतर्फबाट कांग्रेसका रणबहादुर तामाङ र उपाध्यक्षमा नेकपा(माओवादी केन्द्र) का सेक्केमान तामाङ विजयी भएका हुन् ।

अध्यक्षमा पदमा रणबहादुर तामाङले १६०९ मत प्राप्त गरी विजयी हुँदा उनका प्रतिद्वन्दी स्वतन्त्र उम्मेद्वार फुलबहादुर तामाङले १३९६ मत प्राप्त गरेका थिए । उपाध्यक्षमा सेक्केमान तामाङले १८२७ ल्याउदै विजयी हुँदा उनको प्रतिद्वन्दी राप्रपाबाट मरियम तामाङले १२२७ मत प्राप्त गरेकी थिईन् ।

यस्तै वडा अध्यक्षहरुमा राप्रपाबाट क्रमशः वडा नं १ मा सोनामबहादुर तामाङ, वडा नं २ अरुण कुमार पाख्रीन, वडा नं ३ मा कमान सिङ तामाङ विजयी भएका छन् भने वडा नं. ४ मा कांग्रेसका लिलामान तामाङ र वडा नं ५ मा एमालेका रविन तामाङ विजयी भएका छन् ।