धादिङको रुविभ्यालीको अध्यक्षमा रामसिं र उपाध्यक्षमा फे लामा विजयी

धादिङ ०३ जेष्ठ
धादिङको रुविभ्याली गाउँपालिकामा सत्ता गठबन्धनका उम्मेदवारहरु विजयी भएका छन् । अध्यक्षमा माओवादी केन्द्रका उम्मेदवार रामसिंह तामाङ र उपाध्यक्षमा नेपाली काँग्रेसका फे लामा तामाङ विजयी भएका हुन् ।

राम सिं ले २ हजार ७ सय ९२ मत प्राप्त गरी विजयी हुँदा उनका निकटतम प्रतिद्वन्द्वी राष्ट्रिय प्रजातन्त्र पार्टीका गोम्बा घलेले २ हजार ५ सय ९७ मत प्राप्त गरेका थिए ।

उपाध्यक्षका उम्मेदवार फे लामा तामाङले २ हजार ९ सय ३ मत प्राप्त गरी विजयी हुँदा उनका निकटतम प्रतिद्वन्द्वी राष्ट्रिय प्रजातन्त्र पार्टीका धनकुमारी तामाङले २ हजार १ सय ३२ मत प्राप्त गरेकी हुन् ।

यस्तै रुविभ्याली वडा नं १ मा कांग्रेसका पम्बर तामाङ, वडा नं २ मा नेकपा एकीकृत समाजवादीका रुप घले, वडा नं ३ मा जनता समाजवादी पार्टीका फेदोजे तामाङ, वडा नं ४ मा राप्रपाका प्रशान्त तामाङ र वडा नं ५ मा नेपाली कांग्रेसका रम्बा घले, र वडा नं ६ मा एकीकृत समाजवादीका समिर गुरुङ विजयी भएका छन् ।