धादिङको ससाहमा मोटरसाइकल दुर्घटनामा परी नीलकण्ठ ७ का अर्जुन पोखरेलको ज्यान गयो

धादिङ २ जेष्ठ
धादिङको ससाहमा मोटरसाइकल दुर्घटना हुँदा एक जनाको मृत्यु भएको छ ।

पोखराबाट धादिङबेसी आउदै गरेको वागमती प्रदेश०२–०३३ प ३३९४ नम्बरको मोटरसाइकललाई धादिङबेसीबाट काठमाडौँतर्फ जाँदै गरेको बा ५ ख ७०७२ नम्बरको आइचर ट्रकसँग ठोक्किएर नीलकण्ठ ७ का २९ वर्षीय अर्जुन पोखरेलको मृत्यु भएको हो भने सगै सवार नीलकण्ठ ४ का सन्तोष अधिकारी गम्भीर घाइते भएका हुन् ।

पोखरेलको धादिङ अस्पतालमा मृत्यु भएको हो भने गम्भीर घाइते अधिकारीलाई थप उपचारको लागि काठमाडौँ पठाइएको जिल्ला प्रहरी कार्यालय धादिङले जानकारी दिएको छ ।