गोरखाको आरुघाट गाउँपालिकामा नेपाली कांग्रेस बिजयी

गोरखा जेष्ठ २
गोरखाको आरुघाट गाउँपालिका अध्यक्ष र उपाध्यक्ष नेपाली कांग्रेसले जितेको छ ।

अध्यक्षमा राजु गुरुङ र उपाध्यक्षमा कल्पना नेपाली बिजयी भएकी हुन् । गुरुङले ५५५६ मत ल्याएर विजयी हुँदा उनका निकटतम प्रतिद्धन्द्धी एमालेका कृष्ण नेपालीले ४८३३ मत ल्याएका थिए ।

यस्तै उपाध्यक्षकी उम्मेद्वार नेपालीले ५६३१ मत ल्याएर विजयी हुँदा उनका प्रतिद्धन्द्धी एमालेकी सीता दाहालले ३८१६ मत प्राप्त गरेकी हुन् ।

गुरुङ यस अघि जिल्ला समन्वय समिति सदस्य थिए भने नेपाली दोस्रो कार्यकालका लागि गाउँपालिका उपाध्यक्ष निर्वाचित भएकी हुन् ।

आरुघाटको १० वटा वडा मध्ये १,२,३,७,८ नेपाली कांग्रेस बिजय भएको छ भने एमालेले वडा नम्बर ४,५,६,१० मा बिजयी हाँसिल गरेको छ । वडा नम्बर ९ माओवादी केन्द्रले जितेको छ ।