धादिङवेसी सितलबजारमा पहिरोको जोखिम,ठेकेदार कम्पनीको लापरबाही

धादिङ २७ आषाढ
स्मार्ट सिटीको परिकल्पनाका साथ अगाडि बढेको नीलकण्ठ नगरपालिकाको केन्द्र धादिङबेसी सिरान बजार नजिकै ०७२ सालको भूकम्पपछि सडक भासिएर गएको पहिरो हालसम्म पनि निर्माण हुन नसक्दा जोखिम बढेको छ । वर्षा सुरुवात भएसँगै सडक भासिन थालेपछि स्थानीय घरहरु जोखिममा परेका छन् । सडक आसपासका करिब १ दर्जन घरहरु चर्किने, भासिने जस्ता समस्या देखिएकाले स्थानीयहरु त्रसित बनेका छन् ।

हिजोदेखि परेको निरन्तर वर्षाका कारण ५/६ वटा घरहरु बस्नै नमिल्ने गरी पहिरिएको स्थानीयले बताए । विगत २ वर्ष अघिदेखि निर्माण कार्य सुरु भएता पनि ठेकेदार कम्पनीको लापरबाही र नीलकण्ठ नगरपालिकाको हेलचेक्राइको कारण निर्माण सम्पन्न हुन नसकोको हो । जिल्लास्थित सरकारी कार्यालयहरुको नजिकै रहेको उक्त सडक निर्माणमा ढिलासुस्ती हुँदा निमनकारी निकाय नीलकण्ठ नगरपालिका मुक दर्शक बन्दा स्थानीयहरु आक्रोसित बनेका छन् ।