धादिङको गल्छी १ मा एमालेका यदु कुमार खतिवडा विजयी

धादिङ ३१ वैशाख
धादिङमा स्थानीय तह निर्वाचनको मत गणनाका साथै कतिपय पालिकामा मत परिणाम समेत सार्वजनिक हुन सुरु भएको छ । यसै क्रममा गल्छी गाउँपालिका वडा नं. १ को अध्यक्षमा नेकपा एमालेका यदु कुमार खतिवडा विजयी भएका छन् ।

निकटतम प्रतिद्धन्द्धी गठबन्धनका साझा उम्मेदवार एकीकृत समाजवादीका माधव प्रसाद खतिवडालाई पराजित गर्दै खतिवडा विजयी भएका हुन् । विजयी यदु कुमार खतिवडाले निकटतम प्रतिद्वन्दी गठबन्धनका उम्मेदवार माधव प्रसाद खतिवडालाई १३९ मतको अन्तरले पराजित गरेका हुन् ।

जितका लागि यदुले ११३५ मत ल्याए भने माधवले ९९६ मतमा रोकिएका थिए ।

यस वडाबाट पालिका अध्यक्षतर्फ एमालेका केदार नाथ खतिवडाले १३१२ मत पाएका छन् ।

गठबन्धनबाट अध्यक्षका उम्मेदवार एकीकृत समाजवादीका कृष्ण हरी श्रेष्ठले ७९२ मत र उपाध्यक्षमा गठबन्धनका उम्मेदवार कांग्रेसका भाईकाजी श्रेष्ठले ११०६ मत पाएका छन् भने एमालेबाट उपाध्यक्ष उम्मेदवार राधा तिमल्सिनाले ९९८ मत प्राप्त गरेकी छिन् ।