धादिङमा कांग्रेसले खोल्यो खाता, बेनिघाट रोराङ १ मा कांग्रेसका जीवन तामाङ विजयी

धादिङ ३१ वैशाख
धादिङको बेनिघाट रोराङ गाउँपालिका वडा नं १ मा नेपाली काँग्रेसका जीवन सिं तामाङ विजयी भएका छन् । कुल ५ सय ३४ मत ल्याएका तामाङले नेकपा(माओवादी केन्द्र)का मिलन कुमार लामालाई २९ मत अन्तरले पराजित गर्दै विजयी भएका हुन् । मिलनको ५ सय ५ मत मात्रै आएको थियो ।

जीवन २०७४ को स्थानीय तहको निर्वाचनमा पनि काँग्रसबाटै वडा अध्यक्षको प्रत्यासी रहेका थिए । २०७४ मा १६ मतले माओवादीका नन्द्र प्रसाद तामाङसंग पराजित भएका जीवनले यस पटक माओवादीकै उम्मेद्वारलाइ २९ मतले हराएर जीत हात पारेका हुन् ।

यो वडामा नेकपा एमालेका सुरेन्द्र कुमार तामाङको भने ५९ मत मात्रै आएको छ ।