गठबन्धन विरुद्ध उम्मेद्वारी दिएका स्वतन्त्र उम्मेद्वारहरुलाई माओवादी केन्द्र धादिङले कारबाही गर्ने

धादिङ २५ वैशाख
स्थानीय तह निर्वाचनका क्रममा तीन दलीय गठबन्धन विरूद्ध दर्ता भएको उम्मेदवारी फिर्ता गर्न नेकपा(माओवादी केन्द्र) धादिङले पार्टी संम्बद्ध स्वतन्त्र उम्मेद्वारहरुलाई आग्रह गरेको छ । नेकपा(माओवादी केन्द्र) धादिङका संयोजक मनराज भण्डारीले शनिबार प्रेस विज्ञप्ति जारी गर्दै सत्तारुढ गठबन्धन विरूद्ध दर्ता भएका स्वतन्त्र उम्मेदवारी फिर्ता गर्न आग्रह गर्नुभएको हो । उहाँले गठबन्धनकोे निर्णयलाई कार्यान्वयन गर्न गराउन जिल्ला मातहतका सबै कमिटी तथा पंतिमा आग्रह गर्नुभएकोे छ । पार्टी र गठबन्धनको निर्णय बाहिर गएर उम्मेद्वारी दिएका र हालसम्म फिर्ता नलिएका स्वतन्त्र उम्मेद्वारहरुलाई नियमानुसार कारबाही गरिने विज्ञप्ती मार्फत भनिएको छ ।