गजुरीमा पहिरोले घर भत्किदा १ जनाको मृत्यु एक जना घाइते

धादिङ २७ आषाढ
गजुरी गाउँ पालिका वडा नं. ४ दरिङ्गाल बालुवाडाँडामा पहिरोले घर पुरिदा १ जनाको मृत्यु र एक जना घाइते भएका छन् । स्थानीय कृष्ण बहादुर तामाङको १ तले ढुङ्गा, माटो र टिनले छाएको कच्चि घरमा पहिरो आई घर भत्किदा उनकी ८ वर्षिय छोरी अस्मिता तामाङको घटनास्थलमै मृत्यु भएको हो । घाइते १२ वर्षिय छोरा जयराम तामाङको भने स्थानीय मेडिकलमा उपचार भइरहेको जिल्ला प्रहरी कार्यालय धादिङले जानकारी दिएको छ ।