सत्ता गठबन्धनका उम्मेदवारसगै भोट माग्दै स्वतन्त्र उम्मेदवार कल्पना अधिकारी

धादिङ २३ बैशाख
नेपाली काङ्ग्रेसबाट बिद्रोह गरी स्वतन्त्र उम्मेदवारी दिएकी नीलकण्ठ नगरपालिका धादिङको उपमेयर पदकी उम्मेदवार कल्पना अधिकारीले सत्ता गठबन्धनका उम्मेदवारलाई भोट माग्दै गरेको तस्बिर सार्वजनिक भएको छ ।

बिहिबार नेकपा(माओवादी केन्द्र) नीलकण्ठ–३ धादिङले आयोजना गरेको चुनावी घरदैलो कार्यक्रममा अधिकारी पनि मेयरका उम्मेदवार भिम प्रसाद ढुङ्गाना र उप मेयरका उम्मेदवार दिपक विश्वकर्मा सहित माओवादी केन्द्रबाट नीलकण्ठ–३ का उम्मेद्वारहरुको ब्यानर भएको र्‍यालिमा सहभागी भएकी हुन् । यता अधिकारीले भने र्‍यालीमा सहभागी भएता पनि आफैलाई भोट मागेको बताएकी छिन् ।

अधिकारीसहित गठबन्धनका विरुद्ध उम्मेदवारी दिने पार्टीका नेता कार्यकर्तालाई बिहिबार काङ्ग्रेस धादिङले साधारण सदस्य समेत नरहने गरी कारबाही गरिसकेको छ ।