धादिङका राजनैतिक दलहरुले मानेनन् आचारसंहिता, पास नलिई सवारी साधन प्रयोग

धादिङ २२ वैशाख
स्थानीय निर्वाचन २०७९ मा होमिएका धादिङका राजनैतिक दलहरुले सवारी पास नै नलिइ सवारी साधन प्रयोग गरेर चुनाव प्रचार प्रसार गरेका छन् । मुख्य निर्वाचन अधिकृत रमेश ज्ञवालीले राजनैतिक दलहरु सवारी पास लिन नआएको बताउनु भयो ।

निर्वाचन आचार संहितामा राजनैतिक दलहरुले निर्वाचन अधिकृतको अनुमति नलिई निर्वाचन प्रचार प्रसारमा सवारी साधन प्रयोग गर्न नपाइने व्यवस्था रहेको छ ।

यस्तै मुख्य निर्वाचन अधिकृत ज्ञवालीले धादिङका लागि आवश्यक मतपत्र आइसकेको बताउनु भएको छ । मतपत्र मतदान अधिकृतको रोहबरमा मतदान केन्द्रमा पठाउने कार्य अघि बढाइने बताउनु भयो ।