धादिङ गठबन्धन अपडेट : १३ वटै पालिकामा भागबण्डा मिल्यो

धादिङ ११ वैशाख

सत्तारुढ गठबन्धनले धादिङको १३ वटै स्थानीय तहमा भागबन्डा टुंग्याएको छ । गठबन्धनले आईतबार धादिङका सबै स्थानीय तहका प्रमुख र उपप्रमुख र जिल्ला समन्वय समितिको प्रमुख र उपप्रमुख समेतको भागबन्डा टुंग्याएको हो ।

जिल्लामा नेपाली काग्रेसले ८ वटा प्रमुख र ४ वटा उपप्रमुख, नेकपा माओवादी केन्द्रले ३ वटा प्रमुख र ५ वटा उपप्रमुख साथै जिल्ला समन्वय समितिको प्रमुख र एकिकृत समाजबादीले २ वटा प्रमुख र ४ वटा उपप्रमुखका साथै जिल्ला समन्वय समितिको उपप्रमुखमा भागबन्डा गरि तालमेलको लागी अन्तिम निर्णय गरेका हुन् ।

सहमती पत्रमा नेपाली काग्रेसको तर्फ बाट धादिङका काँग्रेस सभापति रामनाथ अधिकारी, माओबादीबाट धादिङ जिल्ला ईञ्चार्ज शालिकराम जमकट्ट्ल र नेकपा एकिकृत समाजबादीबाट धादिङ जिल्ला इन्चार्ज गुरुप्रसाद बुर्लाकोटिले हस्ताक्षर गरेका छन् ।