धादिङ अस्पताल परिसरमा सरसफाइ

धादिङ १० वैशाख
सदरमुकाम धादिङबेशीमा रहेको धादिङ अस्पताल परिसरमा सरसफाइ गरिएकोे छ ।

अस्पताल परिसरलाई सफा र स्वच्छ राख्ने उद्धेश्यले शनिबार बिहान धादिङ अस्पताल, जिल्ला प्रहरी कार्यालय धादिङ, सशस्त्र प्रहरी बल धादिङ, धादिङ सोसल भोलिन्टियर, नेपाल रेडक्रस सोसाइटी धादिङ, संयुक्त एम्बुलेन्स चालक समाज धादिङ र टोल सुधार महासमिति धादिङको संयुक्त सहकार्यमा अस्पताल परिसरमा वृहत सरसफाइ कार्यक्रम सम्पन्न भएको हो ।

सरसफाई कार्यक्रममा अस्पताल संचालल तथा व्यवस्थापन समितिका अध्यक्ष महेन्द्र धमला, अस्पतालका मे.सु. डा. मधुकर दाहाल, जिल्ला प्रहरि कार्यलय धादिङका प्रहरी बरिष्ठ नायब निरिक्षक राजेन्द्र आले, सशस्त्र प्रहरी बल धादिङका सई राम बहादुर भण्डारी, नेपाल रेडक्रस सोसाइटि धादिङ शाखाका सभापति नारायण तिमिल्सिना, सोसल भोलिन्टर धादिङका अध्यक्ष भेषराज ठकुरी, समाजसेवी नारायण कुमार श्रेष्ठले नेतृत्वदायी भुमिका निर्वाह गर्नुभएको थियो ।