सल्यान्टारमा आयोजित रक्तदान कार्यक्रममा ५३ जनाले गरे रक्तदान

धादिङ ०१ बैशाख
नयाँ वर्ष २०७९ सालको अवसरमा बिहीबार त्रिपुरासुन्दरी–२ स्थित सल्यान्टारमा बृहत खुल्ला रक्तदान कार्यक्रम सम्पन्न भएको छ ।

रक्तदान कार्यक्रममा ७ जना महिला र ४६ जना पुरुष गरी ५३ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

हामी सबैको कृषि तथा बहुउद्धेश्यीय सहकारी संस्था लिमिटेडको आयोजनामा भएको रक्तदान कार्यक्रममा नेपाल रेडक्रस सोसाईटी रक्तसंचार केन्द्र धादिङको प्राविधिक सहयोग रहेको थियो ।

धादिङमा अभियानकै रुपमा रक्तदान कार्यक्रम आयोजना गरिदै आएको छ ।