धादिङको थाक्रेमा बस दुर्घटना हुुँदा १५ जना घाइते

धादिङ २४ चैत
धादिङको थाक्रे गाउँपालिका–७ जुंगेखोलामा आज बिहान बस दुर्घटना हुुँदा १५ जना घाइते भएका छन् ।

काठमाण्डौबाट धादिङबेसीका लागि छुटेको बा ५ ख ७४ नम्बरको बस सडकमा पल्टिएको हो ।

घाइतेमध्ये तीन जनाको अवस्था गम्भीर रहेको प्रहरीले जनाएको छ । अन्यको अवस्था सामान्य रहेको र उनीहरुलाई शिवदर्शन अस्पताल धार्केमा उपचारका लागि पठाइएको जिल्ला प्रहरी कार्यालयका प्रहरी नायब उपरीक्षक जागेश्वर भण्डारीले जानकारी दिनुभयो ।

गम्भीर घाइते भएकालाई प्राथमिक उपचारपछि काठमाण्डौको ट्रमा सेन्टरमा पठाइएको छ ।