ज्वालामुखी धादिङमा सवारी दुर्घटना एकको मृत्यु, ३ घाइते

धादिङ १९ आषाढ
ज्वालामुखी गाउँ पालिका वडा नं. ६ काउँले डाडा, धादिङमा बिहीबार दिउँसो सवारी दुर्घटना हुँदा एक जनाको घटनास्थलमै ज्यान गएको छ । मृत्यु हुनेमा ज्वालामुखी गाउँ पालिका वडा नं. ६ का वर्ष ३६ का कृष्ण बहादुर रम्तेल रहेका छन् । धादिङबेसीबाट सिमेन्ट लिएर काउँलेडाँडातर्फ जाँदै गरेको बा २ ख ९७५० नम्बरको ट्रक उकालो चढ्ने बेलामा ब्रेक फेल भएर दुर्घटना भएको प्रहरीले जानकारी दिएको छ । दुर्घटनामा परी अन्य ३ जना घाइते भएका छन् । घाइते हुनेहरुमा सोही वडाका वर्ष २२ की विनु सुनार, उनकी छोरी वर्ष २ की कपिज सुनार र चालक वर्ष २५ का दिवाकर ढकाल रहेका छन् । घाइतेहरुको जिल्ला अस्पताल धादिङमा उपचार भइरहेको जिल्ला प्रहरी कार्यालयका प्रवक्ता रुपक खड्काले जानकारी दिनुभयो ।