स्टार खेलाडी क्रिस्टियानो रोनाल्डो पाँचौं पटक विश्वकप खेल्दै

३७ वर्षीय पोर्चुगल फुटबलका स्टार खेलाडी क्रिस्टियानो रोनाल्डो पाँचौं पटक विश्वकप खेल्दै छन ।

हिजो भएको खेलमा नर्थ मेसेडोनियालाई हराउदै पोर्चुगलले कतारमा यसै वर्ष हुने विश्वकपका लागि टिकट काटेको हो । प्ले अफमा पोर्चुगलले नर्थ मेसेडोनिया २–० ले हराएको हो । पोर्चुगलको जितमा दुवै गोल ब्रुनो फर्नान्डेसले गरेका हुन । २०२२ को विश्वकप स्टार खेलाडी रोनाल्डोको अन्तिम विश्वकप हुनसक्ने अनुमान गरिएको छ ।

प्ले अफ बाटै विश्वकपको लागि चयन भएता पनि क्रिस्टियानो रोनाल्डोको उपस्थिती हुने भएकाले प्रशंसकहरू खुशी भएका छन । २०१८ को विश्वकपमा भने पोर्चुगललाई राउन्ड अफ -16 बाट अगाडि जान उरुग्वेले रोकेको थियो । उरुग्वेले पोर्चुगललाई २–१ ले हराएको थियो।

तस्बिर  : पोर्चुगल फुटबल टिमको ट्विटरबाट