धादिङको रुवीभ्याली सहित देशभरका तीन स्थानीय तहमा अझै पनि बैंक पुगनेन्

धादिङ १६ चैत्र
स्थानीय तह स्थापना भएको झण्डै पाँच वर्षमा अझै पनि देशभकार तीन वटा पालिका बैङ्कको पहुँचमा पुग्न सकेका छैनन् । धादिङको रुबीभ्याली गाउँपालिका , जाजरकोटको जुनीचाँदे गाउँपालिका तथा बझाङको साइपाल गाउँपालिकामा बैङ्क पुगेको छैन । रुबीभ्याली र जुनीचाँदेमा बैङ् स्थापनाको प्रक्रियामा रहेको छ तर साइपाल गाउँपालिकामा भने यसको प्रक्रिया समेत सुरू भएको छैन ।

२०७५ असार मसान्तसम्म सबै स्थानीय तहमा बैङ्कको शाखा विस्तार गर्ने लक्ष्य लिईएको भए पनि भौगोलिक विकटताका कारण सम्भव नभएको राष्ट्र बैङ्कका जनसम्पर्क इकाइ प्रमुख डा. भागवत आचार्यले बताउनुभयो ।

एउटा मात्रै बैङ्कको शाखा पुगेको स्थानीय तहमा प्रभावकारी काम गर्न नसकेको गुनासो सर्वसाधारणले गर्ने गरेका छन् । खासगरी सामाजिक सुरक्षा भत्ता वितरणमा समस्या देखिएको गुनासो राष्ट्र बैङ्कमा पनि आइरहेकाले थप शाखा स्थापना गर्न प्रोत्साहन गर्ने तयारी भएको इकाइ प्रमुख आचार्यले बताउनुभयो ।