रोजमेरी चाइल्ड केयर बोर्डिङ धादिङद्धारा पूर्व बिद्यार्थी, कर्मचारीहरुलाई सम्मान तथा विदाइ

धादिङ ०४ चैत
रोजमेरी चाइल्ड केयर बोर्डिङ स्कुल, धादिङद्धारा पूर्व बिद्यार्थी तथा पूव कर्मचारीहरुलाई सम्मान तथा बिदाई गरिएको छ । विद्यालयले स्थापनाकालदेखि नै पढाइका अलाबा नृत्य, गायन, चित्रकला ,खेलकुद र हस्ताकला लगायतको कार्यक्रम सञ्चालन गर्दै आईरहेको छ ।

शुक्रबार एक कार्यक्रमका बिच विभिन्न बिधामा जिल्ला कै उत्कृष्ट, चित्रकला ,नृत्य, गायन र नेपाल कै टप टेन चित्रकलाहरुमा भाग लिई विद्यालयको नाम राख्न सफल पूर्व विद्यार्थी, बोर्डिङमा अध्यापन गराउने पूर्व कर्मचारी, मिस धादिङ २०७७ को उपाधि जित्न सफल रोहन्सा श्रेष्ठ ,ब्याडमिन्टन, तेक्वान्दो खेलाडि लगायत जेहेन्दार विद्यार्थीहरुलाई मायाको चिनो दिई सम्मान गरिएको थियो भने, कक्षा ५ का विद्यार्थीहरुलाई बिदाइ गरिएको थियो ।

कार्यक्रमलाई सम्बोधन गर्दै प्रिन्सिपल संगीता श्रेष्ठले जिल्ला कै उत्कृष्ट बोर्डिङ बनाउन विद्यार्थी, अभिभावक, शिक्षक तथा सरोकारवालाहरुको ठूलो योगदान रहेको भन्दै सबै विद्यार्थीहरुलाई बधाई तथा शुभकामना दिनुभएको थियो ।