धादिङमा बेसीमा भएको रक्तदान कार्यक्रममा ८५ जनाद्धारा रक्तदान

धादिङ २९ फागुन
आईतबार धादिङबेसीमा भएको बृहत खुल्ला रक्तदान कार्यक्रममा २४ जना महिला र ६१ जना पुरुष गरी ८५ जनाले रक्तदान गरेका छन् ।

हिमाल बचत तथा ऋण सहकारी संस्था लिमिटेडको २१ औँ स्थापना दिवसको अवसर पारी रक्तदान कार्यक्रमको आयोजना गरिएको े धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

नेपाल रेडक्रस सोसाइटी रक्तसञ्चार सेवा केन्द्र धादिङको प्राविधिक सहयोग रहेको रक्तदान कार्यक्रममा हिमाल बचत तथा ऋण सहकारी संस्था लिमिटेड आयोजक रहेको थियो ।

जिल्लामा रगत अभाव हुन नदिन जिल्लाभित्र हुने विभिन्न कार्यक्रम, पर्व तथा मेलाहरुमा अभियानकै रुपमा रेडक्रस धादिङको अगुवाइमा रक्तदान कार्यक्रम हुँदै आएको छ ।