धुनीवेशीमा आयोजित रक्तदान कार्यक्रममा ५१ जनाले गरे रक्तदान

धादिङ २७ फागुन
धुनीवेशी नगरपालिका ५ श्री भुवनेश्वरि माध्यामिक विद्यालयमा बृहत खुल्ला रक्तदान कार्यक्रम शुक्रबार सम्पन्न भएको छ ।

नेपाल रेडक्रस सोसाइटि धुनिवेशी उपशाखा धादिङको आयोजनामा सम्पन्न कार्यक्रममा ११ जना महिला र ४० जना पुरुष गरि ५१ जनाले रक्तदान गरेका छन् । नेपाल रेडक्रस सोसाइटी रक्तसञ्चार सेवा केन्द्र धादिङको प्राविधिक सहयोग रहेको रक्तदान कार्यक्रममा श्री भुवनेश्वरि माध्यामिक विद्यालयको सहयोग रहेको थियो ।

जिल्लामा रगत अभाव हुन नदिन जिल्लाभित्र हुने विभिन्न कार्यक्रम, पर्व तथा मेलाहरुमा अभियानकै रुपमा रेडक्रस धादिङको अगुवाइमा रक्तदान कार्यक्रम हुँदै आएको छ ।