थाक्रे–७, जुगेँखोलामा भएको रक्तदान कार्यक्रममा ७७ जनाले गरे रक्तदान

धादिङ १६ फाल्गुण
धादिङको थाक्रे–७, जुगेँखोलामा सोमबार भएको खुल्लारक्तदान कार्यक्रममा ७७ जनाले रक्तदान गरेका छन् ।

सरस्वती सेवा केन्द्र स्थापनाको अवसर पारी हाइवे बचत तथा ऋण सहकारी संस्थाले आयोजना गरेको रक्तदान कार्यक्रममा ५५ जना पुरुष र २२ जना महिलाको सहभागिता रहेको नेपाल रेडक्रस सोसाइटी धादिङ शाखाका मन्त्री दुर्लभ कुमार तामाङले जानकारी दिनुभयो ।

कार्यक्रमको नेपाल रेडक्रस सोसाइटी रक्त सञ्चार सेवा केन्द्र धादिङले प्राविधिक सहयोग गरेको थियो ।