राष्ट्रिय वृक्षारोपण दिवसको अवसरमा जिल्ला प्रहरी कार्यालय परिसरमा वृक्षारोपण

धादिङ १४ आषाढ
राष्ट्रिय वृक्षारोपण दिवसको अवसरमा शनिबार जिल्ला प्रहरी कार्यालय धादिङको परिसरमा वृक्षारोपण कार्यक्रमको आयोजना गरिएको छ । जिल्ला समन्वय समिति धादिङका प्रमुख जगन्नाथ नेपालको नेतृत्वमा आयोजित वृक्षारोपण कार्यक्रममा जिल्ला प्रहरी कार्यालय धादिङका प्रमुख प्रहरी उपरिक्षक राजकुमार बैदवार‚ डिभिजन वन कार्यालयका डिभिजन वन प्रमुख‚ जिल्ला स्थित सरकारी कार्यालयका प्रमुख तथा प्रतिनिधिहरु‚ अन्य सुरक्षा निकायका प्रमुख तथा कर्मचारीहरु‚ विभिन्न संघसस्थाका प्रतिनिधीहरु लगायत करिब १०० जनाको उपस्थिति रहेको थियो ।

जिल्ला प्रहरी कार्यालय धादिङको परिसरमा अमला, मसला, चिउरी, लप्सी र निम जातका गरी १ सय ५० वटा विरुवाहरु रोपिएको हो ।