ए डिभिजन लिगमा आज अंकतालिकाको अन्तिम ४ टीम खेल्दै

शहीद स्मारक ए डिभिजन लिगमा आजदेखि ११औं चरण सुरु हुँदैछ । आज अंकतालिकामा अन्तिममा रहेका चार क्लब मैदान उत्रिदैछन् । जसमा जावालखेल युथ क्लब र फ्रेण्ड्स क्लब भिड्दैछन् भने पुछार स्थानको च्यासल युथ क्लब र ब्रिगेड ब्वाइज क्लब भिड्दैछन् ।

दुवै खेल एकै समयमा हुँदैछ । ब्रिगेड र च्यासलबीचको खेल दिउँसो १ बजे दशरथ रंगशालमा सुरु हुनेछ भने उता एन्फा कम्प्लेक्समा जावालखेल र फ्रेण्ड्सबीच खेल पनि १ बजे सुरु हुनेछ । यी चारमध्ये अंकतालिकामा जावालखेल सबैभन्दा अघि छ र अंकतालिकाको अन्तिममा च्यासल युथ क्लब रहेको छ ।

यस पटक लिगमा पुछारको दुई टिम रेलिगेसनमा पर्नेछन् । त्यसैले आजको खेल चारवटै टिमलाई महत्त्वपूर्ण हुनेछ र जित्नै पर्ने दबाब छ ।