चार देशीय टी -२० सिरिजमा नेपाल आज आयरल्यान्डसंग खेल्दै

जारी चार देशीय टी–२० सिरिजमा आज नेपाल आयरल्यान्डसंग खेल्दैछ । नेपाल र आयरल्यान्डबीचको खेल ओमानको मस्कटस्थित रहेको अल अमिरात मैदानमा नेपाली समय अनुसार दिउँसो ३ः४५ मा सुरुहुने भएको छ ।

चार देशीय टी–२० सिरिजमा नेपालले पहिलो खेलमा आयोजक ओमानलाई ६ विकेटले पराजित गरेको थियो भने दोस्रो खेलमा भने युएई संग पराजय भोगेको थियो । आयरल्यान्डले पनि आयोजक ओमानलाई पराजित गरेको थियो र युएई संग पराजय भएको थियो । नेपाललाई भने आयरल्यान्ड संगको खेल सहज छैन ।

खेलहरु आईसीसी टी २० विश्वकप ग्लोबल क्वालिफायर ए को लागि अभ्यास हुन । क्वालिफायर ए मा नेपालसंगै ओमान, क्यानडा र फिलिपिन्स समूह ‘ए’ मा छन् भने आयरल्याण्ड, युएई, बहराइन र जर्मनी समूह ‘बी’ मा छन् ।