चार देशीय टी-२० सिरिज सुरु : नेपाल आज ओमानसँग खेल्दै

नेपाल सहित अन्य तीन देश बीच चार देशीय टी २० सिरिज आज बाट सुरुहुने भएको छ । आईसीसी टी २० विश्वकप ग्लोबल क्वालिफायर ए अघि हुन लागेको चार देशीय टी २० सिरिज आजदेखि ओमानमा सुरु हुँदैछ । आज नेपालले घरेलु टोली ओमानसँग पहिलो खेल खेल्ने छ ।

खेल ओमानको मस्कटस्थित अल अमिरात मैदानमा नेपाली समय दिउँसो ३ः४५ बजे सुरु हुनेछ । नेपाल र युएईसँगै आयरल्याण्ड र ओमान पनि यस चार देशीय सिरिजमा समावेश छन् । सिरिजमा समावेश सबै टोलीले एकअर्का सँग एक–एक खेल खेल्नेछन् । क्वालिफायर ए मा रहेका टिमलाई दुई समूहमा विभाजन गरिएको छ । जसमा नेपाल, ओमान, क्यानडा र फिलिपिन्स समूह ‘ए’ मा छन् भने आयरल्याण्ड, युएई, बहराइन र जर्मनी समूह ‘बी’ मा छन् ।

नेपाललाई युवा कप्तान सन्दीप लामिछानेले प्रस्तुत गने छन् भने यसै खेलबाट सन्दीपले कप्तानीमा डेब्यू गर्दैछन् । मुख्यत नयाँ कप्तान , युवा खेलाडी र केही नयाँ खेलाडीहरु सहित ओमान पुगेको नेपाली टोलीका लागि यो चार देशीय सिरिजको खेल धेरै महत्त्वपूर्ण रहने छ ।