धादिङमा कोरोना संक्रमण निको हुने दर बढ्दै, बिहिबार १०७ जना निको भए

धादिङ २० माघ
पछिल्लो तिन दिनयता धादिङमा कोरोना संक्रमण निको हुने दर बढ्दै गएको छ । पछिल्लो २४ घण्टामा १०७ संक्रमित संक्रमण मुक्त भएका छन् भने थप २६ जनामा संक्रमण पुष्टि भएको छ ।

आज जिल्लाभर गरिएको ४३ एण्टिजेन परिक्षणमध्ये ज्वालामुखीमा ९, गंगाजमुनामा ५, निलकण्ठमा ४, त्रिपुरासुन्दरीमा ४, गजुरीमा ३ र बेनिघाट रोराङमा १ गरी २६ जनाको कोरोना पोजिटिभ देखिएको स्वास्थ्य कार्यालयले जानकारी दिएको छ । योसँगै जिल्लाको सक्रिय संक्रमित ४ सय ८ पुगेको छ ।

संक्रमित मध्ये ३ सय ९९ जना होम आइसोलेसनमा रहेका छन् भने ९ जना धादिङ अस्पतालको आइसोलेसनमा रहेका छन् ।