धादिङका थप १६ जनामा कोरोना संक्रमण पुष्टि

धादिङ २९ पौष
धादिङका थप १६ जनामा कोरोना संक्रमण पुष्टि भएको छ ।

आज जिल्लामा ६३ एण्टिजेन परिक्षण गरिएकोमा धुनिबेसी नगरपालिकामा ८, निलकण्ठमा ४, गल्छी गाउँपालिकामा ३ र ज्वालामुखी गाउपालिकमा १ गरी १६ जनामा पोजिटिभ आएकोे स्वास्थ्य कार्यालय धादिङले जनाएको छ ।

यो सँगै जिल्लाको सक्रिय केश ४२ पुगेको छ । संक्रमित सबै होम आइसोलेसनमा रहेका छन् ।

जिल्लामा अहिलेसम्म संक्रमित हुनेको सङ्ख्या नौ हजार २ सय १३ पुगेको छ। संक्रमित मध्ये ८ हजार ११९ निको भईसकेका छन् भने संक्रमणका कारण जिल्लाका ८० जनाले ज्यान गुमाएका छन् ।