जनजागरण पार्टी नेपालको अध्यक्षमा बी. पी. खनाल निर्वाचित

धादिङ १५ पौष
जनजागरण पार्टी नेपालको अध्यक्षमा ललितपुरका डा. बी. पी. खनाल पुनः निर्वाचित हुनुभएको छ ।

बिहिबार धादिङमा सम्पन्न दोस्रो महाधिवेशनबाट खनालको अध्यक्षतामा २३ सदस्यीय केन्द्रिय समिति निर्वाचित गरिएको हो ।

जसको वरिष्ठ उपाध्यक्षमा सुनिल महर्जन, उपाध्यक्षमा द्वारिका श्रेष्ठ, महासिचवमा थलु प्रसाद खतिवडा (रोशन), कोषाध्यक्षमा हिराकाजी महर्जन निर्वाचित हुनुभएको छ ।

कार्यक्रमका वक्ताहरुले धादिङमा जनजागरण पार्टी बलियो बनाउनको लागि सबै एकजुट हुनुपर्ने बताएका छन् । महाधिवेशन १४ गतेबाट धादिङमा भएको हो ।