ओबेद तामाङको सहयोगमा खनियाबासका ३० जना विद्यार्थीलाई झोला वितरण

धादिङ १० पौष
इसाई धर्म तथा क्रिस्चियन धर्मावलम्बीहरुको महान् चाड क्रिसमसको अवसर पारी शुक्रबार धादिङको खनियाबास गाउँपालिका वडा न १ मा शुभकामना आदान प्रदान कार्यक्रम सम्पन्न भएको छ ।

कार्यक्रमको अवसरमा समाजसेवामा लागिरहेका ओबेद तामाङको सहयोगमा ३० जना विद्यार्थीलाई झोला बितरण गरिएको छ ।

छप्चेत प्रतीज्ञा मण्डलीका पास्टर मेन्ल्हु तामाङ को प्रमुख अतिथ्यातामा सम्पन्न भएको कार्यक्रममा खनियाबास गाउपालिका वडा न १ का माओवादी केन्द्र पार्टी अध्यक्ष नसुन तामाङ, नेकपा एमाले पार्टी अध्यक्ष अब्राहम तामाङ, नेपाली काङ्ग्रेस पार्टी अध्यक्ष हरिचन्द्र तामाङ, नेकपा समाजवादी पार्टीका अध्यक्ष मीन लामा तामाङ लगायत विभिन्न राजनैतिक दलका प्रतिनिधिहरु र स्थानीयकोउपस्थिति रहेको थियो ।