पञ्चकन्या मा वि फ्याक्से धादिङको ४५ औ बार्षिकोत्सव तथा अभिभावक दिवस सम्पन्न

धादिङ १० पौष
श्री पञ्चकन्या माध्यामिक बिद्यालय निलकण्ठ ५ फ्याक्सेको ४५ औ बार्षिकोत्सव तथा अभिभावक दिवस तथा विविध सांस्कृतिक कार्यक्रम शुक्रबार सम्पन्न भएको छ ।

निलकण्ठ नगरपालिकाका उपप्रमुख मनराज भन्डारीको विशेष आतिथ्यतामा भएको कार्यक्रममा नेकपा माओबादी केन्द्र बागमति प्रदेश कार्यालय सदस्य तथा ज्युदा सहिद राम बहादुर भन्डारीको प्रमुख आतिथ्य, विभिन्न विद्यालयका प्रधानाध्यपक लगायत बिभिन्न राजनैतिक दलका प्रतिनिधिहरुको सहभागिता रहेको थियो ।

कार्यक्रममा बोल्दै उपप्रमुख भण्डारीले बिध्यार्थीहरु पनि रास्ट्रप्रेमी , बिकास प्रेमी तथा मेहनति हुन जरुरी भएको बताउनुभएको छ । कार्यक्रममा पुर्ब बिध्यार्थी तथा समाजसेवी आदर्श श्रेष्ठले बिध्यालयको खेलकुद लागाएतको सामग्री खरिद गर्न ५० हजार सहयोग गर्ने बताएका छ्न ।

कार्यक्रमको अवसरमा पौष ०७ गते देखि सुरु भएको अन्तर सदानात्मक खेलकुदका कार्यक्रम समापन गरिएको छ । खेलमा प्रथम द्वितीय, तृतीय तथा सान्त्वना हुने बिद्यार्थीहरुलाई पुरस्कार स्वरुप शैक्षिक सामग्री बितरण गरिएको छ ।