काङ्ग्रेस केन्द्रीय समितिमा धादिङबाट पहिलो पटक प्रतिनिधित्व गर्दै दिलमान पाख्रिन विजयी

धादिङ ०८ पौष
नेपाली कांग्रेस धादिङका नेता दिलमान पाख्रिन कांग्रेस केन्द्रीय सदस्यमा निर्वाचित भएका छन् । धादिङबाट नेपाली काङ्ग्रेसको केन्द्रमा पहिलोपटक प्रतिनिधित्व गर्दै पाख्रिनले केन्द्रीय सदस्य जितेका हुन् ।

जनजाती कोटाबाट केन्द्रीय सदस्य पदमा निर्वाचित भएका पाख्रिन २०७० सालको संविधानसभा निर्वाचनमा समानुपातिक तर्फबाट सभासद बनेका थिए भने २०७४ सालमा राज्यमन्त्री समेत बनेका थिए ।

पार्टी सभापति शेर बहादुर देउवा समूहबाट केन्द्रीय सदस्यको उम्मेदवार बनेका उनी ८ जना भित्र पर्दै चौंथो नम्वरमा निर्वाचित हुन सफल भएका हुन् । उनले १ हजार ९ सय ३९ मत प्राप्त गरेका छन् ।