नेत्रावती डबजोङ ४ बोरेमा दमाईछाप बाल शिक्षा केन्द्र भवन उद्घाटन

धादिङ ०५ पौष
धादिङको नेत्रावती डबजोङ गाउपालिका वडा नम्बर ४ बोरेमा दमाईछाप बाल शिक्षा केन्द्र भवन सोमबार एक कार्यक्रमका बिच उद्घाटन गरिएको छ । नेत्रावती बाल शिक्षा प्रवर्धन परियोजना अन्तर्गत नेत्रावती डबजोङ गाउँपालिका र नेपाल इनलिजेनको सहयोगमा आईसीडिसी नेपाल धादिङ मार्फत २ कोठे ट्रस भवन निर्माण गरिएको हो ।

सोही कार्यक्रमको अवसरमा २५ जना विद्यार्थीहरुलाई स्कूल झोला, कापी, ट्रयाकसुट, टोपी, जुत्ता, मोजा वितरण गरिएको थियो । आईसीडिसी नेपाल धादिङका कार्यसमिति सदस्य बलराम लम्सालको अध्यक्षतामा सम्पन्न भएको कार्यक्रममा प्रमुख अतिथि गाउँपालिका अध्यक्ष दुर्ग कुमार शाक्य, गाउपालिकाका सुचना अधिकृत एवम् स्वास्थ्य संयोजक कृष्ण (बद्री) पौडेल, वडा न ४ का वडा अध्यक्ष तिल ब. गुरुङ लगायत विद्यार्थी र अभिभावकहरुको सहभागिता रहेको थियो ।