धादिङ पिशोन संयुक्त प्राथना संगती ख्रिष्टमसको अवसरमा भएको रक्तदान कार्यक्रममा ५६ जनाले गरे रक्तदान

धादिङ ०४ पौष
धादिङ पिशोन संयुक्त प्राथना संगती ख्रिष्टमसको अवसरमा भएको रक्तदान कार्यक्रममा ५६ जनाले रक्तदान गरेका छन् ।

धादिङ पिशोन संयुक्त प्राथना संगतीको आयोजना तथा मिशन होटल एण्ड रिसोर्ट प्रा.लि र धादिङ आल्मुनियम उद्योग प्रा.लिको सह–आयोजनामा भएको रक्तदान कार्यक्रममा २१ जना महिला र ३५ जना पुरुष गरि ५६ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले बताउनुभयो ।

रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्रको धादिङको प्राविधिक सहयोग रहेको थियो ।

धादिङमा अभियानकै रुपमा रक्तदान कार्यक्रम आयोजना गरिदै आएको छ । जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।

फोटो स्रोत : नारायण कुमार श्रेष्ठ