प्रेस चौतारी नेपाल धादिङको अध्यक्षमा सानुबाबु तिमल्सिना

धादिङ ०२ पौष
प्रेस चौतारी नेपाल धादिङको अध्यक्षमा सानुबाबु तिमल्सिना निर्वाचित हुनुभएको छ । शुक्रबार सम्पन्न नवौँ जिल्ला अधिवेशनले तिमल्सिनाको अध्यक्षतामा १७ सदस्यीय जिल्ला कार्यसमिति निर्वाचित गरेको हो । जसको उपाध्यक्षमा श्री हजुर सिलवाल, पवित्रा थापा मगर, सचिवमा दोलख गुरुङ, सह–सचिवमा भुवन भण्डारी र अनिल नेपाली, कोषाध्यक्षामा उपेन्द्र अधिकारी निर्वाचित हुनुभएको छ । निवर्तमान अध्यक्ष सरोज पौडेलको अध्यक्षतामा भएको अधिवेशनको प्रमुख अतिथिमा नेकपा एमालेका उपाध्यक्ष एवं पूर्व अर्थमन्त्री सुरेन्द्र पाण्डेको प्रमुख आतिथ्यता रहेको थियो भने केन्द्रीय लेखा आयोग प्रमुख त पुष्प कंडेल, सदस्य मिनराज कंडेल, केन्द्रीय सदस्य खेम प्रसाद लोहनी, जानुका सिंखडा, जिल्ला अध्यक्ष भुमि त्रिपाठी लगायतको आतिथ्यता रहेको थियो ।

अधिवेशनलाई संबोधन गर्दै प्रमुख अतिथि पाण्डेले सत्तामा रहेका राजनीतिक दलहरुबीचको गठबन्धन अब धेरै समय नटिक्ने बताउनुभयो ।

कार्यक्रमकै अवसरमा नेकपा एमालेको १० औँ महाधिवेशनमा धादिङबाट केन्द्रीय समितिमा निर्वाचित ४ जनालाई सम्मान गरिएको थियो । सम्मानित हुनेहरुमा भने सम्मानित हुनेहरुमा एमाले केन्द्रीय लेखा आयोग प्रमुख निर्वाचित पुष्प कंडेल, सदस्य मिनराज कंडेल, एमाले केन्द्रीय सदस्य खेम प्रसाद लोहनी, केन्द्रीय सदस्य जानुका सिंखडा रहेका छन् । प्रेस चौतारी नेपालका केन्द्रीय सदस्य सीताराम अधिकारी, केशव अधिकारी, गायत्री खतिवडा र रामेश्वर कार्कीलाई पनि सम्मान गरिएको हो ।

यस्तै धादिङमा कृयाशील ३ जना पत्रकारहरुलाई पनि पुरस्किृत गरिएको थियो । । पुरस्किृत  हुनेहरुमा सानुबाबु तिमिल्सिना, सरिता श्रेष्ठ र शंकर श्रेष्ठ रहेका छन् ।