धादिङका जम्कट्टेल, तामाङ र सिंखडाले पाए अखिल क्रान्तिकारीको विभिन्न जिम्मेवारी

धादिङ २७ मङ्सिर
माओवादी केन्द्र निकट अखिल(क्रान्तिकारी)को प्रदेश तथा केन्द्रीय समितिमा धादिङबाट ३ जना विद्यार्थी नेताहरु मनोनित भएका छन् ।

निवर्तमान जिल्ला संयोजक उपेन्द्र जम्कट्टेल केन्द्रीय सदस्यमा मनोनित भएका हुन् भने पूर्व जिल्ला संयोजक तथा केन्द्रीय सदस्य बिमल तामाङ बागमती प्रदेशको उपाध्यक्षमा र किरण सिंखडा सचिवमा मनोनित भएका हुन् ।

यही असोज १४ देखि १८ गतेसम्म आयोजित अखिल क्रान्तिकारीको २२ औँ राष्ट्रिय सम्मेलनले पञ्चा सिंहको अध्यक्षतामा केन्द्रीय समिति निर्वाचित गरेको थियो ।