सिद्धलेक गाँउपालिकाद्धारा दृष्टिबिहिन घलेलाई ल्यापटप हस्तान्तरण

धादिङ १९ मंसिर
सिद्धलेक गाँउपालिकाद्धारा वडा नम्बर ६ निबासी सगिंता घलेलाई १ थान ल्यापटप हस्तान्तरण गरिएको छ ।

गाँउपालिकाका अध्यक्ष प्रेमनाथ सिलवाल र उपाध्यक्ष कमला शर्माद्धारा आज वडा नम्बर ६ कुम्पुर निबासी जेहेन्दार दृष्टिबिहिन घलेलाई उक्त सामग्री हस्तान्तरण गर्नुभएको हो ।

घले हाल स्नातक तहमा अध्ययनरत छात्रा हुन् । उनले करिब एक महिना अगाडि आफ्नो पढाईको सहजका लागि गाँउपालिकालाई एक निबेदनमार्फत ल्यापटप माग गरेको गाँउपालिकाका सुचना अधिकारी हरी पाटा मगरले जानकारी दिनुभयो ।

त्यसै अनुरुप आज गाँउपालिकाले घलेको पठनपाठनमा थप सहयोग होस भनेर ल्यापटप वितरण गरिएको सुचना अधिकारी मगरले बताउनुभयो ।