पेट्रोलियम पदार्थको मूल्यवृद्धि विरुद्ध नेपाल विद्यार्थी संघ निलकण्ठ बहुमुखी क्याम्पसको विरोध प्रदर्शन

धादिङ २८ कार्तिक
पेट्रोलियम पदार्थ, ग्यास, यातायात तथा दैनिकी उपभोग्य वस्तुमा भएको मुल्यवृद्धि तथा कालो बजारीको विरुद्धमा धादिङमा नेपाल विद्यार्थी संघ निलकण्ठ बहुमुखी क्याम्पसले विरोध प्रदर्शन गरेको छ ।

आईतबार धादिङबेसीको क्याम्पस चोक देखी पुछारबजार सम्म मूल्यवृद्धि तत्काल फिर्ता लिनुपर्नेे माग गदै निलकण्ठका बहुमुखी क्याम्सका विद्यार्थीहरुले विरोध प्रदर्शन गरेका हुन् । मूल्यवृद्धि तत्काल फिर्ता लिनुपर्ने माग उनीहरूले अगाडि सारेका छन् ।

नेपाल आयल निगमले बुधबार राति पेट्रोल, डिजेल र मट्टितेलमा तीन÷तीन रुपैयाँ तथा खाना पकाउने ग्यासमा ७५ रुपैयाँ वृद्धि गरेको थियो । यो सहित निगमले एक महिनामै पेट्रोल, डिजेल र मट्टितेलमा ६ रुपैयाँ तथा ग्यासमा १२५ रुपैयाँ मूल्य बढाएको छ ।

मूल्यवृद्धि गरेपछि विभिन्न विद्यार्थी संगठनहरुले विरोध प्रदर्शन गर्दै आएका छन् ।

फोटो स्रोत : सामाजिक सञ्जाल