साफ च्याम्पियनका लागि नेपाल आज भारत सँग खेल्दै

मालेस्थित राष्ट्रिय रंगशालामा दक्षिण एसियाली राष्ट्रका पुरुष राष्ट्रिय फुटबल टोलीले खेल्ने एक मात्र प्रतियोगिता साफ च्याम्पियनसि उपाधिका लागि नेपाल आज भारत सँग बेलुका ८ः४५ बजे खेल्दैछ । बंगलादेलाई बराबरीमा रोक्दै फाईनल प्रवेश गरेको नेपाल र माल्दिभ्सलाई हराउँदै फाईनल प्रवेस गरेको यी दुई देश बीचको फाईनल खेल नेपालका लागि थप उल्लास पूर्ण र किर्तिमानी पूर्ण हुनेछ ।

साफ इतिहासमा नेपाल पहिलो पटक फाइनल पुगेको हो । नेपालले यस अघि सेमिफाइनलसम्मको यात्रा तय गर्दै आइरहेको थियो । त्यसैले नेपाल आज भारतलाई हराएर ऐतिहासिक उपाधि जित्न चाहन्छ । तर, भारतविरुद्ध सहज नहुने नेपाली टोलीलाई जानकारी छ । साफमा भारत सबैभन्दा सफल टिम हो । भारतले हालसम्म ७ पटक उपाधि जितिसकेको छ । भारत आठौं पटक उपाधि उचाल्ने योजनामा हुनेछ । तर, नेपाली टिमका गोलकिपर तथा कप्तान किरण चेम्जोङ भारतविरुद्ध गोर्खाली शैलीमा खेलेर जित निकाल्ने बताउँछन् ।