न्यु जेनेरेशन फण्ड धादिङद्धारा आयोजित शुभकामना आदानप्रदान तथा रक्तदान कार्यक्रममा ५० जनाले गरे रक्तदान

धादिङ २३ असोज
थाक्रे गाउँपालिका वडा नं २ सिम्लेमा आयोजित रक्तदान कार्यक्रममा ५० जनाले रक्तदान गरेका छन् ।

वडा दशैँ,शुभ दिपावली तथा छठ पर्वको अवसरमा न्यु जेनेरेशन फण्ड धादिङद्धारा आयोजित शुभकामना आदानप्रदान तथा रक्तदान कार्यक्रममा ३ जना महिला र ४७ जना पुरुष गरी ५० जनाले रक्तदान गरेको धादिङ रेडक्रसका उप–मन्त्री नारायण कुमार श्रेष्ठले जानकारी दिनुभयो । रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्रको धादिङको प्राविधिक सहयोग रहेको थियो ।

धादिङमा अभियानकै रुपमा रक्तदान कार्यक्रम आयोजना गरिदै आएको छ। जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ।