सुकौराबेशी टोलसुधार समितिद्धारा सरसफाइ कार्यक्रम सम्पन्न

धादिङ २३ असोज
नीलकण्ठ नगरपालिका वडा न ७ सुकौराबेशी टोलसुधार समितिद्धारा वडा दशैको अवसरमा सरसफाइ कार्याक्रम गरिएको छ ।

सबै मिली अघि बढौ सुन्दर समाज निर्माण गरौ भन्ने मुल नाराका साथ संचालन गरिएको उक्त कार्यक्रममा सुकौराबेसी भित्रका सामुदायिक भवन ,कालीका मन्दिर प्राङ्गण लगायत समुदाय भित्रका गोरेटा बाटोहरुमा सरसफाइ गरिएको हो ।

समुदायलाई नमुना गाउँ बनाउने उदेश्य सहित अगाडी बढेको र केही महिना विभिन्न कारणले कार्यक्रम रोकिएको हुदा अब नियमित अगाडि बढने समितिका अध्यक्ष सुदिप पोखरेलले बताउनु भयो ।

समितिले विजयदर्शमीको उपलक्षमा असोज २८ गते नवामीको दिन शुभकामना आदनप्रदान, चियापान तथा अग्रजहरुले बिगत देखि बर्तमान सम्म समुदायमा गर्नुभएको अतुलनीय योगदानको कदर गर्दै उहाहरुलाई सम्मान कार्यक्रम गर्ने आयोजना रहेको समितिका सल्लाहकार प्रेम नेपालीले जानकारी दिनुभयो ।

समितिका अध्यक्ष सुदिप पोखरेलको अध्यक्षतामा सम्पन्न उक्त कार्यक्रममा समुदायका बासिन्दा तथा जुझारु जनसमुदायका व्यक्तिहरुको सहभागिता रहेको थियो ।