सुनगाभा एकेडेमीका विद्यार्थीहरुले गरे शहिदहरुको सम्झना

धादिङ १६ माघ
शहिद दिवसको अवसर पारी सुनगाभा एकेडेमी धादिङका विद्यार्थीले शहिदहरुप्रति सम्मान प्रकट गर्दै नेपालका ४ शहिद दशरथ चन्द, शुक्रराज शास्त्री, धर्मभक्त माथेमा र गङ्गालाल श्रेष्ठ तथा तथा नेपालका प्रथम शहिद लखन थापाको प्रतिमामा माल्यार्पण गरेका छन् । नेपालका विभिन्न युद्ध, आन्दोलनका क्रममा शहिदहरुको बलिदानीकै कारण देशमा परिवर्तन सम्भव भएको जानकारी विद्यार्थीलाई दिन र शहिदहरुको त्याग र बलिदानीको स्मरण गर्दै उनीहरुले देखाएको बाटोमा निरन्तर लागिरहने र शहिदले सिकाएका असल विचार र राष्ट्रभक्तिको सन्देशलाई आत्मसात गर्नेका लागि यस्ता खाले कार्यक्रमहरु गरिएको विद्यालयका शिक्षक कपिल जम्कट्टेलले जानकारी दिनुभयो ।