धादिङमा शनिबार थपिए ५ कोरोना सङ्क्रमित

धादिङ ०६ मङ्सिर
धादिङमा शनिबार ५ जनामा कोरोना पुष्टी भएको छ । थप पुष्टीहुनेहरुमा थाक्रे गाउँपालिकाका २ जना, धुनिबेसी नगरपालिका, गल्छी र सिद्धलेक गाउँपालिकाका १/१ जना रहेको स्वास्थ्य कार्यालय धादिङले जानकारी दिएको छ । योसँगै जिल्लामा कुल कोरोना सङ्क्रमितको सङ्ख्या १ हजार ३ सय २२ पुगेको छ । जम्मा कोरोना सङ्क्रमित मध्ये १ हजार १ सय ५४ निको भएर घर फर्किएका छन् भने १५ जनाको कोरोनाका कारण ज्यान गएको छ ।