जिल्ला प्रहरी कार्यालय धादिङले चोरी भएको मोटरसाइकल फेला पारी सम्बन्धित धनिलाई बुझायो

धादिङ १७ कार्तिक
जिल्ला प्रहरी कार्यालय धादिङले चोरी भएको मोटरसाइकल फेला पारी सोमबार सवारी धनिलाई बुझाएको छ । आइतबार राति अन्दाजी १०ः३० तिर नीलकण्ठ १२ साङ्कोषका अमृत भट्टको बा ५२ प ३९६६ नं. को रातो पल्सर मोटरसाईकल घरबाटै चोरी भएको थियो । चोरी भएको सुचना जिल्ला प्रहरी कार्यालय धादिङमा प्राप्त भए पश्चात तत्काल प्रहरी सहायक निरिक्षकको कमाण्डमा खटिएको टोलीले नीलकण्ठ ८ पुछारबजारमा उक्त मोटरसाइकल फेला पारेको हो । मोटरसाइकल चोरी गर्ने व्यक्तिको खोजी भैरहको जिल्ला प्रहरी कार्यालय धादिङका प्रवक्ता लोकनाथ तिमल्सिनाले जानकारी दिनुभयो ।