धादिङको धुनिवेशी नगरपालिका— ६ नौविसेबाट सालकको खपटा र जिउँदो हुइचिलसहित २ जना पक्राउ

धादिङको धुनिवेशी नगरपालिका— ६ नौविसेबाट संरक्षित वन्यजन्तु सालकको खपटा र जिउँदो हुइचिलसहित २ जना पक्राउ परेका छन् । पक्राउ पर्नेहरुमा थाक्रे गाउँपालिका–५ नयाँगाउँका ४७ वर्षीय विनोद लामा र मकवानपुर थाहा नगरपालिका–१२ लितिका १९ वर्षीय रमेश स्याङ्तान तामाङ रहेको जिल्ला प्रहरी कार्यालय धादिङका सुचना अधिकारी प्रहरी नायव उपरीक्षक सन्तुलाल प्रसाद जैसवारले जानकारी दिनुभयो ।

विशेष सुचनाको आधारमा नेपाल प्रहरी प्रधान कार्यालय, केन्द्रिय अनुसन्धान व्यूरो र इलाका प्रहरी कार्यलय खानिखोलाबाट खटिएको संयुक्त प्रहरी टोलीले मंगलबार त्रिभुवन राजमार्ग स्थित नौविसेबाट पक्राउ गरिएको थियो । उनीहरुको साथबाट चामलको बोरा भित्र लुकाई छिपाई ल्याएको ५ किलो ३ सय ग्राम संरक्षित वन्यजन्तु सालकको आखेटोपहार र चाउचाउको कार्टुनभित्र लुकाई छिपाई ल्याएको १ जिवित हुचिल बरामद गरिएको प्रहरी नायव उपरीक्षक सन्तुलाल प्रसाद जैसवारले जानकारी दिनुभयो ।

पक्राउ परेकाहरुलाई आवश्यक कारवाहीको लागि सव–डिभिजन वन कार्यालय नौविसेमा बुझाइएको प्रहरी नायव उपरीक्षक जैसवारले बताउनुभयो ।