राष्ट्रिय ट्रमा सेन्टरका चिकित्सक सिंहलाई लाठी चार्ज गर्ने प्रहरी हबल्दार निलम्बनमा

धादिङ २८ माघ
शुक्रबार राष्ट्रिय ट्रमा सेन्टरका चिकित्सक डा. जनिथलाल सिंहलाई लाठी चार्ज गर्ने प्रहरी हबल्दार निलम्बनमा परेका छन् ।

नेपाल प्रहरीका प्रवक्ता पोषराज पोखरेलले निलम्बन पर्नेमा वरिष्ठ हवल्दार शम्भु गुरुङ रहेको जानकारी दिनुभयो ।

राष्ट्रपति विद्यादेवी भण्डारी संघीय संसद्को संयुक्त सदनलाई सम्बोधन गरेर फर्कने क्रममा वीर अस्पताल बाहिर हिँडिरहेका चिकित्सक सिंहलाई त्यहाँ सुरक्षामा खटिएका गुरुङले लाठी चार्ज गरेका थिए।

उनको टाउकोमा चोट लागेको छ । सिंहलाई राष्ट्रिय ट्रमा सेन्टरमा राखेर उपचार गरिरहेका छन् ।