पत्रकार त्रिभुवन पौडेलको निधनप्रति प्रेस सेन्टर नेपाल धादिङको श्रद्धान्जली सभा

धादिङ ०७ माघ

आईतबार पोखरामा भएको विमान दुर्घटनामा मृत्यु भएका नेपाल पत्रकार महासंघका केन्द्रीय उपाध्यक्ष त्रिभुवन पौडेलको निधन भएको घटना प्रति प्रेस सेन्टर नेपाल धादिङले गहिरो दुःख व्यक्त गरेको छ ।

प्रेस सेन्टर नेपाल धादिङले शनिबार एक कार्यक्रमको आयोजना गरि पौडेलको तस्बिरमा माल्र्यापण र मौन धारण गरि श्रद्धान्जली अर्पण गरेको हो ।

कार्यक्रममा प्रेस सेन्टर धादिङका अध्यक्ष राजन अधिकारी, प्रेस सेन्टरका केन्द्रिय सदस्य नारायण सिलवाल, प्रेस सेन्टर नेपालका बागमती प्रदेश सदस्य गीता अधिकारी, प्रेस सेन्टर धादिङका सचिव सुमन अधिकारी लगायत पत्रकारहरको उपस्थिती रहेको थियो ।

आईतबार काठमाडौंबाट पोखराका लागि उडेको यती एयरलाइन्सको विमान सेती नदीको खोचमा दुर्घटनामा परेको थियो । दुर्घटनामा परि चालक दलका ४ जना सहित ७२ जनाको मृत्यु भएको थियो ।