शंखादेवी मावि मझिमटार धादिङको वि. व्य. स. अध्यक्षमा सुरेश मल्ल

धादिङ १५ असोज
शंखादेवी माध्यमिक विद्यालय बेनिघाट रोराङ–९ मझिमटारको विद्यालय व्यवस्थापन समिति अध्यक्षमा सुरेश मल्ल निर्वाचित भएका छन् । शुक्रबार भएको अभिभावक भेलाबाट ९ नम्बर वडाका अध्यक्ष समेत रहेका मल्लको अध्यक्षतामा निर्विरोध समिति गठन भएको हो ।

वेनिघाट रोराङ गाउँपालिका शिक्षा, युवा तथा खेलकुद शाखा प्रमुख वोधराज पाठकको अध्यक्षतामा भएको अभिभावक भेलामा गाउँपालिका अध्यक्ष हरि डल्लाकोटीको प्रमुख आतिथ्यता रहेको थियो भने गाउँपालिकाका प्रमुख प्रशासकीय अधिकृत लक्ष्मण प्रसाद भट्टराईको विशेष आतिथ्यता रहेको थियो ।

यस्तै अतिथिहरुमा स्थानीय बुद्धिजीवि, शिक्षाप्रेमीहरुका साथै विद्यालयका करिब २ सय अभिभावकहरुको उपस्थिति रहेको शिक्षक तिलक चेपाङले जानकारी दिनुभयो ।